胡定欣跑步热到爆青筋 网民担心中暑

etin

视后胡定欣喺9月头过生日之后，生日饭食唔停，唔知系咪食太多生日蛋糕食肥咗，要去跑步消脂呢？佢继早前中秋正日（21日）喺社交网晒跑步相后，昨日（25日）又再出动，佢留言话自己打算跑4公里：“应承自己要跑，跑吧！”

由于阳光普照，着上运动Bra Top加短裤嘅佢都话坚系热，仲热到青筋都岀埋添！唔少网民都戥佢辛苦，嗌佢记得饮多啲水小心中暑，仲提醒佢要做足防晒措施，唔系就好易晒伤，而有网民就搞笑话身形Fit嘅佢，唔止有腹肌仲爆晒青筋，问佢系咪谂住随时变身“筋肉人”呀？