|
歌手薛凯琪(Fiona)近排认真黑仔,继之前8月生日时肠炎要入院留医后,近日佢去咗雪山做嘢,但就有高山反应,搞到缺氧险晕,佢表示:“海拔四千多、睡了三个小时,从4:00am起来拍到9:30pm,而今天山上只有一度,当我在跑的时候我感觉我差点要晕倒,呼吸不了。所有人在我面前的嘴唇都是紫色的,搭了帐篷都被吹烂了。”之后佢上载咗条片,见面色苍白嘅佢喺车上要拎住氧气樽吸氧气,佢表示:“只有一度的高山,我要跟你告别了,下山后觉得氧气很珍贵。”而落山后佢就精神晒,仲坐言起行,去咗食麻辣火锅庆祝!不过开心只系维持咗一阵,原来佢祸不单行,又唔小心整伤咗只脚,但仲要飞去第二度做嘢,所以见佢行路一拐一拐,又要用拐杖,认真惨情!
|
|