阿娇点谂？“空界林依晨”爆同赖弘国离婚真相

etin

艺人锺欣潼（阿娇）喺上年惊爆同台湾“医界王阳明”赖弘国离婚，结束唔够2年嘅婚姻， 至于阿娇嘅离婚原因一直成谜，当时外界有好多揣测，有指系因为赖弘国经常夜蒲揽女而成为导火线，又有指系赖弘国系“被离婚”嘅受害者，对于种种传言，阿娇一概都冇回应，佢亦冇透露佢哋嘅分开嘅主因，只系话觉得同对方做朋友会舒服啲喎！

半年离婚收场

其实赖弘国同阿娇喺2018年结婚之前，曾经有过一段婚姻，佢喺2016年同有“空界林依晨”之称的前空姐赵筱葳（Ivy Chao）结婚，但系婚姻维持咗半年就宣布离婚收场。近年转战做网红嘅Ivy，近日现身网上节目时，讲到佢同赖弘国嘅一段婚姻。佢话同赖弘国拍拖1年半之后结婚，点知结婚半年后，赖弘国于冇预警之下提出离婚，佢话：“我对于婚姻的想法是两个人要有共识经营，而且婚姻的基本是基于爱，你爱彼此、爱家庭、爱小孩，如果今天这个关系没有爱了，我们就可以把合约解除。”

佢表示离婚唔可怕，但当时的确好难承受：“因为今天突然这件事丢进来了，我是必须要接受的那个人的时候，这一切都打乱了。”由于离婚嚟得太突然，令佢之后陷入半年嘅低潮期，拒绝一切社交活动，只系想匿喺屋企，不断怀疑自己到底出咗咩问题，连自我价值都丧失埋，受尽唔少舆论压力，最后佢系靠自我信念走出离婚阴霾！