“肌”味浓！黄宗泽孖王浩信出海骚Body

etin

唔少女星都会出海游船河晒水着，但骚身材并唔系女明星嘅专利，昨日艺人黄宗泽（Bosco）就孖住好友王浩信出海，齐齐坐喺甲板上吹海风。见两位猛男一同着上黑色小背心，大晒粗壮手臂，认真“肌味浓”！其中一张Bosco嘅独照中，佢更劲骚超级长腿，绝对唔输女明星！虽然佢哋看似出海度假够晒Chill，但其实只系为新剧《廉政狙击》出外景，Bosco笑言：“我都系扮放假，其实都系要开工！”其实《廉》嘅一班演员向来相处融洽，仲不时寓工作于娱乐，好似之前Bosco、吴卓羲、王浩信同黄智雯去到课室拍摄，就齐齐扮小学生，相当搞笑。