艺人滕丽名昨日(20日)出席《爱.回家之开心速递》的中秋活动,她透露中秋节要开工,但已约了一班好友及老公放工后庆祝:“老公要负责买四黄白莲蓉月饼畀我食,每年都一定要买,我有个朋友就负责买兔仔灯笼畀我。”她称讲起灯笼有个难忘的经历:“我表妹细个玩灯笼时烧着咗个灯笼,连佢身上着嘅风褛都烧着,因为风褛好易着火,烧着后啲胶黐住皮肤,佢成只手臂烧伤咗,着咗压力衣好长时间。我细个锺意煲蜡,但依家法例系唔畀。” 另外,提到前男友魏骏杰在近期的访问中自爆有过轻生念头,她表示:“所以撒玛利亚防止自杀会好重要。(佢又离婚又零收入,会唔会觉得佢好惨?)人生总有高低潮,要开心去面对,小朋友好重要,小朋友成长嘅环境系大人制造出来。佢嚟紧都有舞台剧演出,祝佢成功。(你会唔会去捧场?)我未知自己档期。(佢话当年觉得配唔起你而逃避,转为内地发展?)佢内地发展嘅经理人系我介绍。唔讲咁多,费事畀人话我消费佢。(你哋仲有冇联络?)冇联络喇!(佢话见你幸福戥你开心。)多谢!”
|