《爱．回家》开工庆中秋！吕慧仪想同刘丹对亲家？

etin

艺人刘丹与吕慧仪昨日（20日）出席《爱．回家之开心速递》的中秋活动，刘丹透露中秋节会跟家人食饭庆祝：“会带孙女出去，同埋佢嘅同学仔一齐玩灯笼。（有冇帮孙女整灯笼？）今年冇时间整，以前后生就会用碌柚整灯笼。”吕慧仪称已提早跟儿子一齐烧烤，以及玩灯笼庆祝：“不过就冇玩蜡烛，怕危险，佢见到啲朋友就好开心。”至于中秋正日就要开工，跟同剧的演员一齐做节：“大家每年都会带月饼同生果返嚟开工，个录影厂好多嘢食，唔会饿亲，系增磅厂。”刘丹笑言厂内的食物够食1星期。问到儿子刘恺威是否在港？他说：“佢喺内地几个地方，不过冇所谓，佢好似冇离开香港咁，日日同佢个女视像通话倾好耐。”

吕慧仪曾透露想儿子跟刘丹的孙女认识，但至今仍未有机会约出来玩，吕慧仪向刘丹提议：“不如听日带埋我个仔同你个孙女一齐玩，我要开工凑唔到佢。我哋套剧有个妈妈群组，有托儿服务，会帮手凑小朋友，我个仔都大个，所以我好放心将佢交畀人凑。”