马德钟忍泪送别鲍起静：幸福唔系必然！

etin

视帝马德钟与影后鲍起静（鲍姐）出席无綫剧集《我家无难事》宣传，提到鲍姐于第4集已离世，除了剧中仔女们喊到收唔到声，连观众也大感不舍，对此她说：“拍嗰场戏我冇喊，系班仔女喊晒，但睇到佢哋咁好难过。（观众话冇你要罢睇！）唔会，我仲会有得出现，仲要密到集集都有，唔使担心，无綫系好大方，但都唔可以一套剧只出4集。”剧中为慈母的她，笑言现实生活不及角色般：“我个女好细个去咗英国，依家挂住啲孙多过个女，上次探佢哋留咗3个月，不过疫情关系都有1年几冇见，惟有靠视像见佢哋啦！”

马德钟则表示拍摄鲍姐离世一幕时，基于角色关系只能忍着泪水：“忍得好辛苦，因为鲍姐好有感染力。”现实中有一子的他，不讳言受剧情感染有另一番体会：“套剧有个讯息系为免等将来后悔，倒不如依家做咗先，幸福唔系必然。（你个仔返咗香港啦！）依家疫情关系，否则佢咁大个人，一早走咗去啦！”