孖陈家乐黄智雯挑战测谎机 袁伟豪被踢爆恨攞视帝

etin

无綫新剧《把关者们》现正热播，艺人袁伟豪与陈家乐因合作而成为好友，昨日孖埋同剧艺人黄智雯齐齐玩挑战测谎机，互玩踢爆，真系冇咁Friend都可能会嬲！黄智雯大胆做第一位被测谎，一嚟就问佢有冇试过一脚踏两船，佢谂都冇谂就回答：“冇！”果然食咗诚实豆沙包，讲真话冇被“惩罚”。之后就到袁伟豪，问足两条都被电，其中问到睇唔睇好自己拎视帝，佢谦虚谓唔睇好，点知被踢爆讲大话，黄智雯直言：“即系你劲想攞！”令袁伟豪笑得好尴尬，不过相信每一位演员都会希望夺得“视帝”或“影帝”呢个肯定！

而陈家乐被问到觉唔觉得《把》剧戏份少，佢秒回话冇，直言觉得拍摄时间好长。当大家以为佢咁淡定回答、以为佢讲真话，点知都被测谎机电，仲痛到嗌咗出嚟，更对住袁伟豪话：“畀你抢晒（戏份）！”场面搞笑。男神陈家乐仲被问锺意男定女，佢好识做咁答男、女都锺意，呢个答案当然唔收货，最后都要受罚。