合作11次︱袁伟豪同黄智雯修成正果做夫妻

etin

艺人袁伟豪、王敏奕（Venus）、刘颖镟、丁子朗、刘佩玥、陈自瑶、黄庭锋、黄嘉雯等，昨日（16日）现身电视城为无綫热播剧《把关者们》造势。事后袁伟豪跟Venus受访，透露剧中是对立关系，后者更谓视对方为假想敌，但笑指出场背景音乐铺排到他们似有感情线，其实各自都有另一半：“我系同胡诺言去到谈婚论嫁阶段，角色喺性格上有缺陷，唔识同人相处，较为极端。”

袁伟豪笑指今次终于可以同黄智雯“修成正果”，并细数双方曾合作11次，其中相恋5、6次，于《把》由情侣“升呢”做夫妻，会结婚生小朋友：“系一个突破！Fans已经睇惯咗我哋系一Pair，好开心我哋‘开花结果’。”问到是否希望对方现实中都能开花结果？他指要交回智雯自己回应，讲到上次开Live爆智雯“已婚”、嗌女方男友做“老公”一事，他解释只是讲笑：“我个意思唔系咁，佢哋拍咗拖咁耐，作为朋友都会以‘老公’咁称呼啫，系开玩笑！（智雯有冇嬲你、诈你型？）冇，喺我面前系冇，哈哈！（定佢都好享受男友畀朋友叫老公？）咁又唔知喎！我同佢系好享受互相践踏嘅感觉！如果之间有Hard Feeling会讲出嚟，合作咗咁耐，信任喺嚟自基础。”

​另外，中秋节将至，他们均表示会跟家人过节，Venus指刚拍完无綫新剧《旁观者》有一小段休息时间，之后就会再孖袁伟豪拍《法证先锋V》，实行剧接剧拍到冇停手。