重提串错英文 连诗雅认受尽打击！

etin

艺人连诗雅（Shiga）现身电台宣传新歌《别放弃治疗》，她称之前忙拍剧，久未上电台及受访，坦言有点紧张，感觉似新人。讲到新歌，她说：“首歌可以套入爱情、工作同生活，讲大家就算遇到唔开心嘅事都唔可以放弃治疗自己，我都经历过，受过唔少抨击，依家已康复，有啲事并唔系想像中咁差，所有唔开心嘅事都会过去。（你依家拍拖咁开心，好难投入？）唔关事，我想讲工作多啲，首有句歌词系话表面好风光同开心，但其实唔系咁。（勾起以前好多回忆？有冇喊？）有喊，谂起以前受过嘅抨击，我系好少同人讲我唔开心，但当时真系好唔开心，但我唔会去讲咩同解释，我想用努力同时间去证明。但依家会觉得讲都无所谓，只系唔明点解我会有咁多呢啲话题。”

问到哪件事对她打击最大？她说：“好似串错字（将rest in peace写成rest in piece）呢啲系我乌龙，我唔系畀借口自己，其实唔系好大件事，都未系好大新闻，我唔系话自己系超级乖嘅女仔，但每个人都有经历，我自己做到最好，希望大家畀少少包容去睇我嘅努力。（依家有人同你分享？）唔关事，好多人关心我。（最关心嗰个系陈家乐？）唔讲边个。”她指人长大了，经历多了，自己的情商也变好，以前觉得天跌下来的事，现在不会看得如此重，不开心的情绪亦很快会过去。

另外，早前Shiga与陈家乐分别在社交网上载同一滑浪板照片“放闪”，似乎有意将恋情浮面，她笑言：“啲板来来去去都系嗰几款，我哋系唔同时间放相，嗰日系玩得好开心。（依家可以讲多少少恋情？）唔想讲自己感情事，都系我其中一个经历，有好多私人事唔讲咁多会好啲，想大家将焦点放喺我工作上，我努力咗咁多年，以前大家都系睇好多我嘅花边新闻。”问到有否观看陈家乐主演的剧集？她表示没有，自己忙到连饭都没有时间食。

提到近日她亲自下厨为母亲庆祝生日，她谓：“原本想出去食，但我太攰唔想出街，就叫工人姐姐买餸，我自己煮，我只系休息咗嗰一日。（网民话陈家乐有口福。）唔知呢！我锺意煮嘢食，系我另一个兴趣，我有谂过开餐厅。（陈家乐有冇试过你手势？）唔知呢！我只系煮过畀妈咪食，同事都有试过。（几时轮到陈家乐？）再算啦！”