唔系菊梓乔︱手拖手深情对望 吴卓羲终于公开“恋情”

etin

艺人吴卓羲早前突然惊爆恋情，事缘佢喺社交网公开发文Tag咗歌手菊梓乔（Hana），即惹来外间揣测公开恋情，事后佢澄清只系一场误会，否认拍拖。不过昨日（14日）网上再流出吴卓羲嘅“湿身亲密”照，甚至有拖手相，唔通今次“真．官宣”？其实佢正与好友黄宗泽（Bosco）为新剧《廉政狙击》开工，2人出外景去到海边时，即一时兴起丧影合照打卡，更大玩“HeHe情”，先深情对望，之后吴卓羲用手扶实Bosco后颈，作势扮锡锡几乎鼻贴鼻，又手拖手相当“浪漫”！Bosco留言笑指：“好好的一张照片，我们为甚么要把它恶搞成这样呢？”吴卓羲接受访问，对于与Bosco“公开恋情”，佢话：“虽然系两个男人，去到一个有得睇日落同浪漫嘅地方，我同Bosco熟到咁，我觉得纯粹系美感！”