《2021香港小姐竞选》完美落幕,平均收视26.1点,最高收视是歌神张学友压轴表演环节、录得27.4点,有180万名市民同时收看。虽然获高收视佳绩,但颁发“最上镜小姐”时却发生甩辘情况,事后无綫副总经理曾志伟更被目睹嬲到黑面向工作人员查问,之后再严肃跟几位司仪训话。 昨日(13日)志伟受访道出事情始末,并澄清没有黑面,只是紧张:“灯打得唔够光搞到块面黑少少啫!嗰阵突然见到台下工作人员要求司仪拉长时间,即刻仆落去睇发生咩事,原来有4位落选佳丽换错衫赶唔切出嚟,我觉得可以照颁奖,观众唔会知道要邀请番嗰4位出嚟。(但司仪讲咗12个出嚟。)唔会衰得过喺度等嚟等去。”续分享个人经验,记得一次做港姐司仪宣布错落选佳丽入围:“咪齐齐入围啰!唔会影响赛果嘅,唔使理台下工作人员嘅手势、淡定啲,最紧要唔好自乱阵脚!” 畀港姐决赛96分 志伟直言对港姐决赛好满意,更给予96分高分数,他指最紧要广大市民睇得开心,同时亦有难得高收视,没有白费到台前幕后的努力,又谓个人习惯是一完骚就即场做检讨,犹如当年录《奖门人》一样,并点名大赞郑裕玲及“新丁”丁子朗表现不俗,惟觉得陈凯琳有点压力:“佢之前一个人做港姐真人骚主持做得好好,可能有郑裕玲同台,唔好意思讲太多。”至于工作人员方面,他说等他们食饱后才作检讨,打趣问是否食饱后“照肺”?志伟幽默笑言:“食饱照唔到肺,照肺要饿几个钟!任何节目都有做得好同唔好,Live骚错实有,冇瑕疵就系录影啦!” 希望学友上更多节目 提到今次邀请到张学友“出山”担任表演嘉宾,志伟爆事前怕天气不稳,一早录定“打风版”:“4条片剪辑成1条,比Live更无懈可击,不过Live亦有Live精彩!(会将条片摆上网?)咁又唔需要,今朝再有Message多谢佢,好多人想搵佢影相,5蚊张都发达!”之后会叫学友上更多节目?他坦言当然希望:“但佢唔系用钱就打动到。(你找咗数畀佢未?)个个都唔够佢有钱,佢开过200几场巡回演唱喎!”
|