阿妈狂赞高富帅！戴祖仪绞尽脑汁翻挞涂毓麟

etin

两位新生代歌手戴祖仪（Joey）跟涂毓麟（Oscar）首次跨公司合作，推出新歌《我们再不讲再见》，为唱出真感情，没有经历过复合的二人绞尽脑汁谂计仔投入，Joey自称靠想像力、而Oscar就话有向身边朋友取经︰“喺朋友圈入面我系‘感情台’，佢哋有咩问题都会搵我倾，咁就啱晒！”

Oscar重遇旧爱吓破胆

他们于MV中饰演双方的前度，之后竟在朋友的婚礼上相遇，而现实中Oscar自爆亦曾试过“偶遇”旧爱，“复合”场地正是莫文蔚演唱会，吓得他倒抽一口凉气，内心大叫“濑嘢”︰“睇睇吓骚唔知点解部手机会自动连接咗去个Ex嘅个人热点度，即刻代表佢坐喺附近！（搵到对方？）搵唔到呀！隔离朋友专登摷匀全场都见唔到，嗰刻我系唔敢周围乱望，视线净系望实个舞台。（分得唔好所以做唔成朋友？）都系，因为细个唔成熟，锺意闹交。”

合作一次便被Fans推举成萤幕情侣，Joey笑言好喜出望外，又说有Fans每年生日愿望都是献给她︰“希望我识多啲男仔。（有介绍过男仔你识？）绝对大把！但我发现咗个真理，通常由朋友介绍嘅都系伏！”有机会同Oscar“通电”？她即“嗒糖”狂赞对方，更自爆就连其母都大赞对方︰“妈咪话佢系高富帅，食快餐店都加到最大就系有钱人！我妈咪对我好严，从来都唔赞我，但系就疯狂赞佢，靓仔、又高，天上有、地下冇咁！（考虑吓？）佢细我几年呀！谂吓啦，哈哈！”