胡定欣同胡说八道会合体庆生 胡杏儿遥距送惊喜

etin

视后胡定欣前日（9日）过40生日，忙于为新剧开工嘅佢，日前一众同剧演员已经率先同佢庆生，到咗生日正日，佢嘅“胡说八道会”一班好姊妹黄智雯、姚子羚、李施嬅、胡蓓蔚，同埋佢嘅好友袁伟豪同太太张宝儿，林夏薇、单立文、陈山聪太太Apple等，为佢搞咗生日Party，而喺内地开紧工嚟唔到嘅好姊妹胡杏儿，就遥距送惊喜，为佢送上几层高嘅生日蛋糕，个蛋糕仲放咗佢嘅旧照，相当有心思！

有一大班好友同佢庆祝当然好开心，佢仲大赞张宝儿为场地布置咗紫色气球，相当Perfect！张宝儿亦有喺社交网祝贺定欣：“二十对生日快乐！”而未有到场嘅陈山聪，太太Apple就将山聪个样Key番落去大合照度，认真搞笑！而唔少网民亦有同定欣讲生日快乐，但系就可惜“胡说八道会”差胡杏儿先齐人啰！