效法袁伟豪闪婚？陈家乐面红红冧笑扯开话题

etin

艺人袁伟豪、陈家乐等在将军澳电视城为剧集《把关者们》宣传。陈家乐饰演海关见习督察，角色更是剑击运动员，事前更上堂学剑，他自嘲只是有姿势冇实际：“睇奥运嘅时候谂点解当时唔学好啲，起码识啲规则，咁样会睇得精彩啲，自己都有兴趣再学。”袁伟豪则饰演家乐上司，回想起第一次见面觉得对方有点cool，他笑说：“开工之后大家原来好啱倾，大家都锺意音乐、电单车、结他，都想再次合作。”陈家乐笑说：“你讲呢啲呀，你当时结婚我哋都系睇报道先知，完全冇征兆。（仿效袁伟豪闪婚？）唔讲呢啲喇。”

诮到他与女友连诗雅前日分别在社交网上载出海滑浪照片“放闪”，似乎有意将恋情浮面，他面红红笑说：“我想闪令令喺我身形上，其实拍《把关者们》嗰阵开始操增紧磅，肥到猪头咁，近几个月畀心机去操、减脂。（恋情浮面？）希望大家将个焦点唔好放喺其他地方，放喺我嘅工作、身形上，依家操弗完成第一阶段，大家唔好谂太多，总之玩得开心啦。”