菊梓乔自爆系双面人 独食烧肉唔怕肥！

etin

“星梦一姐”菊梓乔（Hana）喺社交网分享喺将军澳电视城嘅日常，尽显其低B、善变及大食嘅港女本性，自揭系“双面人”嘅秘密。佢喺片度叫摄影师只影佢左边面，因为佢觉得：“左边面个样系咪好凌厉，右边面系咪好蠢呀！”完全唔觉得佢“鸳鸯面”嘅摄影师听到“𢱑爆头”，佢跟住就话左、右边唔同系好事，因为可以配合唔同嘅剧情需要，要扮蠢角色时可以只影右边面，摄影师再问佢今日系聪明定系蠢时，佢爆出创意答案：“今日系中间面。”再一次令人一地问号！

之后佢到茶厅食“快餐”，相信又心急又肚饿关系，所以用开机关枪模式问摄影师“有咩想食？”达6次之多，期间佢自认有选择困难症，最初提议食咕噜鸡，但又觉得咕噜鱼仲好食，拣足5分钟后，竟然是“还完基本”决定拣咕噜鸡：“因为鸡好食啲”。

到佢坐底等食时，大呻因为要入厂、补化妆，只净番5分钟时间食饭，当待应送上一大碟烧肉时，又可以突然将烦恼忘记晒，捧住碟餸好开心咁话：“我觉得canteen啲烧肉好好食，成餐饭好抵，都系200几蚊。”跟住就边抺唇膏边讲：“我梗系一个人食晒啦，唔通你哋（同行工作人员）有份食呀？傻嘅咩？”哗，成15旧肥烧肉食晒唔怕肥死？佢又好自豪咁话要多谢阿妈，平时无论点大食，到第二朝就会冇晒，之后将烧肉大旧大旧咁夹入口。