唐诗咏样貌再进化？网民：佢同张曦雯朱千雪撞样

etin

视后唐诗咏一向都系“猫痴”，养咗两只猫咪银仔同蛋蛋，日前蛋蛋生日，忙于为新剧《隐形战队》开工嘅佢，一收工就赶返屋企同蛋蛋庆生，仲用蛋蛋最锺意食嘅芝士面包整咗个生日蛋糕，佢喺社交网留言：“刚刚好赶回家跟你庆祝，多谢你带给我无数欢乐，蛋蛋生日快乐！祝主子继续Eat Play Sleep！”虽然佢Set好晒相机，但系要抱住蛋蛋影相一啲都唔容易，佢话就算出尽力，影10张相得一张OK，而睇到喺佢身后嘅另一爱猫银仔嘅凌厉眼神，相信应该系呷蛋蛋醋，感到相当唔满啦！

网民除咗纷纷同蛋蛋讲生日快乐之外，仲将个重点放咗喺唐诗咏个样度，因为不时被指样貌再进化嘅佢，喺呢辑相中，佢嘅双眼好似同之前又唔同咗，网民就话佢抱住蛋蛋嘟嘴作状锡锡嗰张相，侧面睇落去同张曦雯撞样，而佢眯眯眼咁笑嗰阵，又有啲朱千雪添，亦有网民话就算佢撞样边个都好，都一样系咁靓女啰！