汤洛雯黄嘉乐亲热戏 马国明叫加油！

etin

艺人汤洛雯（靓汤）、黄庭锋、张宝儿、苏皓儿及黄嘉乐等，出席无綫新剧《OPM》开镜拜神，场面相当热闹。靓汤与嘉乐首次合作，扮演夫妇之馀，更有“踩界亲热戏”，二人形容绘声绘色，令人哗然！

事后二人齐齐受访，嘉乐与靓汤男友马国明私交甚笃，问到今次与“阿嫂”合作会否感到尴尬？结果被靓汤踢爆：“之前佢同我讲有啲紧张。（你拍呢啲戏，有同马国明讲？）有提过吓，不过佢系唔会嚟探班嗰啲人，调番转我都系，唔想畀压力其他演员。”

问到亲热戏的亲密程度？她说：“都系夫妻间正常嘅嘢，边做边倾偈啰，但如果跟晒剧本拍就出唔到街，依家系意识形态方面。其实我同嘉乐唔算好激，后来交代我哋离婚，我要去色诱黄子恒，所有嘢都采取主动。马国明都觉得其实拍呢啲戏，男仔比较尴尬，因为好惊畀人话，我同嘉乐拍之前，佢都好礼貌咁问我，可唔可以锡你块面一啖！”

问到嘉乐可担心自己女友呷醋，想不到他回应说：“佢反而好开心，因为觉得可以制造话题，对我嘅事业有帮助。（你有冇自己同马国明交代？）佢知，拍之前佢仲传短讯叫我加油！”此话一出，全场忍俊不禁。

而剧中靓汤情绪经常“跳掣”，相当考演技：“有场戏讲嘉乐掌掴我，佢唔系几好意思，我叫佢真打，一次过唔好烦！我都有自己打自己嘅，真系狠狠咁打落去，拍完好奇怪导演唔叫停，原来系因为嘉乐喺旁边睇到呆咗！”