挑战宋慧乔戏路！邝洁楹博做女一激励“哈比人”

etin

无綫热播剧《七公主》因张家朗在东京奥运男子花剑个人项目夺金，而提早播出，其中剧中玩剑击的“哈比女神”邝洁楹（Judy），事前要特训4个月，她说：“当初知道自己要玩剑击都呆咗，但监制搵我呢个咁细粒嘅演员，就想有反差嘅效果，就算细粒都可以玩到剑击。”她说最难是拍摄最后一场很重要的比赛，要做很多高难度动作，训练了3星期都未做到，但她不服输：“同教练讲畀多几日时间我，如果到临拍前3日我都未练到水准，我就服输，畀佢搵替身。”她笑言最后拍了8个钟，最终成功完成所有动作：“当时大家为我鼓舞拍掌，虽然系做紧戏，但我都觉得大家好似系为我呢几个月训练鼓掌，真系好感动！”

上演技班学戏

虽然她一直有演出《爱‧回家之开心速递》，但她坦言今次演出，一开始被监制觉得“好演”：“我初头唔知点解，但后尾就明啦，即系好造作，因为我冇受过正式演戏训练，以为做晒表情同动作就得，变咗一个背对白嘅机器、多过演活角色，多谢呢几个月以嚟，导演慢慢教我点样自然啲。”她坦言拍完《七》后爱上演戏，亦有上演技班：“嗰时以为有啲处境剧嘅经验就唔系白纸一张，但原来真系，因为同处境剧演绎方式唔同，希望之后啲剧可以畀人觉得我唔同咗。”

自爆有恋父癖

问到可想快点荣升女一？她说：“如果我做到女一嘅话，应该同我知道要做剑击手一样呆咗，但我都愈嚟愈确定想做演员呢条路。”她亦自嘲细粒：“可能有声音觉得边有咁细粒嘅女主角，但我睇韩国宋慧乔，当然佢有1米6，但我冇，但剧本有细粒嘅情节，例如趷高脚锡、被男主角熊抱、壁咚，可能我都有细粒嘅戏路，如果我可以做到女主角，希望可以激发到细粒女仔嗰团火同梦想，尤其是依家又兴最萌身高差。（想同边个演一对？）我怀疑自己有少少恋父癖，锺意成熟味道，我锺意三哥（苗侨伟），因为佢真系好有型。”