王祖蓝自爆息影 得番一套作品未出街！

etin

身为无綫首席创意官嘅艺人王祖蓝近日由内地回港，正接受隔离嘅佢日前就与马来西亚女主持颜薇恩、潘毖伶开直播，唔少网友一见佢现身即重提其“悭啲啦Baby”及《老表，你好嘢！》“蔡芯”等经典角色，但佢却自爆将会息影，再不作戏剧演出：“冇演出啦！呢啲全部都系我嘅遗作。仲净一套同阿Sa（蔡卓妍）两年前拍嘅电影，到依家都未出街。做咗管理工作之后，我哋呢啲老人家都冇㗎啦，最紧要培育下一代，无谓阻住个地球转。”而讲到培育新血，佢就提起凭《声梦传奇》弹起嘅姚焯菲、锺柔美等，指有意搞声梦夏令营，发掘下一届声梦学员。

另外，有人提议可以将高层运作拍成真人骚，佢就笑言如果其他高层都同意拍摄就认真有睇头：“咁多年TVB高层嘅谣传系咪真？点雪藏一个人？我以前点被人雪藏？点样加人工？点样减骚钱？我终于知道点解，嗰啲拍出嚟真系好睇到不得了，但我真系接受唔到啰！”

​