惯咗唔覆讯息！汤怡一招试出麦秋成唔系基

etin

艺人汤怡（Kathy）同麦秋成结婚冇耐，啱啱仲荣升做新手爸妈，照计都仍然处于Sweet爆嘅新婚期，但系！女方喺限时动态自爆同老公有“拗撬”，更被对方Block电话，难道夫妻之间出现问题？其实系因为Kathy为自家饼店品牌开咗一个新电话号码，有日佢就用个新Number send message畀老公，点知麦秋成冇反应，最后个Message仲只显示得一个剔，Kathy其后发现被Block！佢就喺限时动态出Post，叫大家估究竟佢Send咗啲咩畀麦秋成，意外大爆夫妻之间的相处之道，有Fans留言问：“几耐冇讲嘢？”Kathy留言：“好耐喇！大家不嬲都唔覆Message嘅。”续话佢哋惯咗唔互覆，因为一系打电话、一系见面先讲：“但非常好，因为呢个世代好少人会打电话。”

之后再有Fans笑话：“你应该放心晒，证明佢唔会乱咁同其他女性接触。”、“都应该安心，证明佢肯定唔系基！”Kathy即爆笑自认蠢：“错在我扮咗男人同佢讲嘢！”、“喂呀我姊妹曾经以为佢系基（Gay）嘅！但依家女都生埋喇！唔好吓我！”另有Fans聪明留言：“一定系赞你老婆好靓女（即系你赞自己）！”Kathy兴奋话答案好接近，唔知最后答案系咩呢？就要等佢开估！