面部黄金比例挑战︱何超莲惊变“何家公子”

etin

赌王三房千金何超莲同男星窦骁爱得火热，不时高调放闪，昨日超莲就撇低咗男友，自己一个去恤发，趁住呢段时间坐定定冇嘢做，佢就响应早前喺网上发起嘅“面部黄金比例”挑战，用App睇吓自己块面变咗黄金比例之后系点样，结果佢个样竟然由淑女变咗做“男人”，令佢都相当惊讶，即刻皱晒眉仲反埋眼，完全冇眼睇！

而网民睇到佢“变面”之个样，仲话以为佢系“何家嘅公子”，认真搞笑！有网民就感同身受话自己玩完都吓亲：“以为自己好靓，结果唔系啰！”但系有网民就话即使超莲变咗“男人”样，依然系靓仔嚟嘅，仲话佢应该都会好受女仔欢迎添，唔知超莲听到有网民咁赞佢，会唔会即刻开心番呢？