年底开骚！谢安琪开放畀歌迷点歌 戴定头盔

etin

歌手谢安琪（Kay）自从自组唱片公司“浅白本部”做独立歌手后，成个人都活跃晒，年底仲会开已经两年冇开嘅音乐骚。虽然佢讲到明唔会畀好有音乐天分嘅囡囡张靖上台表演，不过佢都炮制咗惊喜畀歌迷，就系畀歌迷“点歌”喇。佢话开完音乐骚嘅记者会后，好多人问得最多嘅问题系佢会唱咩歌，虽然佢觉得呢个问题问得好好，而佢嘅歌单都开始筹备紧，不过佢就想同造型一样保持神秘感，只可以爆少少料：“会唱自己歌亦都会cover人哋嘅歌同最紧要啱主题。”佢又见大家咁好兴致，自己好奇都想知吓大家锺意啲咩歌，所以佢决定开放留言点歌，可惜系佢最尾都补说：“点架咋，唔一定唱架。”

Kay戴定头盔，但系啲歌迷反应好踊跃，当佢嘅社交网系卡拉OK嘅点唱机，有一大堆歌单排队等佢唱，包括有《再度》、《独家村》、《跟我走》、《头盔》、《家明》、《囍帖街》、《正视爱》、《山林道》、《离不开》、《艺技回忆录》、《三生一吻》、《载我走》、《姿色分子》、连MIRROR成员Jer《物语三部曲》、佢老公张继聪嘅《生命之花》都有点唱，不过就冇乜人点唱佢同麦浚龙嗰首代表作《罗生门》，唔通唔够Hit定另有原因呢？