同罗冠兰学戏！陈培甡演李后主被邵美琪数住喊咗几次

etin

“新升粤剧团”主角陈培甡与邓有银合演的《李后主》，近日在新光戏院大剧场上演，圈中好友黎瑞恩及邵美琪也有捧场。陈培甡对于《李后主》受欢迎感到非常兴奋，他坦言为了演好此剧，除了认真琢磨剧中唱腔及对白，他更特别随罗冠兰老师学习演剧技巧：“跟罗老师上堂，真系获益良多。首演时罗老师睇过我演出，佢觉得我可以将李后主角色演得愤怒啲。今次重演，我照佢所教，加入愤怒情绪，观众反应非常好。小恩子（黎瑞恩）同邵美琪话睇得好开心。原来佢哋曾经担心睇唔明呢套粤剧，但原来又睇得明。邵美琪睇戏睇得好深入，我喊咗几多次佢都数得到。”

另外，陈培甡透露决定10月重演林家声亲自为他执导及教戏的另一套粤剧《烟雨重温驿馆情》﹕“呢套系声哥（林家声）亲自教我演嘅戏，最近喺陈好逑（逑姐）嘅丧礼上，声哥妹妹林倩妮提醒我，呢套系声哥同逑姐开山戏宝，依家佢哋都过身，倩妮姐希望我重演呢套剧，所以我决定10月重演作为感谢同纪念两位前辈对我嘅指导同扶持。”