义卖20黄月饼！黎诺懿分享脱单秘笈 原来靠…

etin

艺人黎诺懿形容自己目前生活舒适，“静极思动”开设慈善品牌，为弱势社群谋福利，于是继月前糕点义卖后，他再与好友林柏希为即将到来的中秋义售月饼，今次受惠的是中转房屋户。谈起住屋，他说：“香港最大嘅问题，好记得当年拍完剧集《溏心风暴》后我冇乜嘢做，就搬咗去红磡劏房，一住半年，就因为住过，先知道箇中情况，先识珍惜依家。可能好多人话帮（人）得几多吖，但我就系深信帮得一个得一个，好似糕点义卖筹到约50万，起码帮到好多人加餸嘞。”

他行善之馀，同时希望推广承传：“重现返香港旧有嘅味道，莲蓉月唔应该失传，同埋依家我帮人，希望受惠到的他朝有能力，可以帮番其他人。我今次坚持整20黄月饼，就因疫情令家人好难围埋一齐，佳节攞个巨型月饼切吓，老老幼幼团团圆圆。”而回想起儿时的中秋，他说：“好百厌，成班细佬攞晒储咗嘅蜡烛出嚟，一晚全部煲（蜡）晒去！当时我哋‘放火’真系出神入化，系唔啱，依家算犯法嘅，但嗰种回忆谂番都好温暖。”

全副身家畀老婆

这个中秋别具意义，事关他太太正怀第二胎，他坦言刻下陪伴家人，比其他更重要：“我系一个好锺意钱嘅人，但钱搵唔晒，而且嚟到人生呢个阶段，除咗娱乐圈发展，我都希望做吓其他嘢。中秋我会用柚皮帮小春鸡（大仔）整灯笼，等佢开心吓，预产期前后又会留番啲时间准备。”谈到当初成功将富家女太太追到手，他乐意于佳节分享脱单秘笈说：“好简单，就系一开始就将全副身家畀晒佢。我就系咁做，即刻畅通无阻，所以唔好问我借钱，全副身家得嗰几万，财政大权喺太太度嘛！”

比起以往年少轻狂岁月，他蓦然回道，深明一笑风云过的道理：“以前完全冇储钱概念，有几多使几多。依家环境好少少嘞，但唔锺意追名牌，好多人叫我换车，我问点解？架车有乜问题先？我知道喺娱乐圈点努力都好，始㚵畀唔上太太屋企嘅家族生意，大家再讲几多亿都冇用，我系唔会分畀大家嘅，讲我食软饭？我食之嘛，同样唔关其他人事，我亦冇动气。总之我娶呢个老婆第一日开始，就同外父母承诺，佢未必可以大富大贵，但一定衣食无忧！”