胡鸿钧扮侦探玩超能力 被考验舞功！

etin

歌手胡鸿钧（Hubert）推出新歌《今天不营业》，喺MV度佢唔再扮小丑，亦冇再损手烂脚扮整亲，而系着戴咗牛仔帽扮侦探玩超能力，喺一座怀旧Feel嘅大宅度走嚟走去，又遇上好多百老滙歌舞剧打扮嘅演员。睇得中个MV好掟本，“星梦一哥”果然唔同，有唱片公司用钱去锡，唔怪得知佢喺MV度好鬼High，开心到好以扑蝶，行步路都好晓飞咁。

Hubert表示新歌试咗R&b嘅新曲风，而帮佢新曲嘅竟然系读梗书嘅“小朋友”：“无意中听到佢嘅Demo就好锺意，就问佢邀歌啦。”至于MV嘅角色，佢都话好特别：“好似福尔摩斯，又似超人打救世咁，喺MV度所以人都系静止，得我可以为所欲为，我谂大家都睇好多时间停止嘅片段。”佢话如果真系可以时间静止，最想可以回到过去，因为想后生多10年，咁有好嘢可以做唔同嘅决定同选择，有好多地方都可以做得更好，不过佢最想梗系：“青春啲最好啦，永远都20岁。”

佢又话虽然个MV好似拍得好轻松咁，但其实好有难度：“要考验我跳舞嘅功夫，仲要挑战喺10秒内由3楼跑落地下，中间好多人挡住，所以都考埋我身手够唔够灵活，同埋喺紧急关头度，我可以成功逃生。”Hubert依然事业同爱情都咁得意，唔止成功逃生，简直前路一片光明。