陈茵媺向周家蔚送花送蛋糕 “失踪人口”现身劲省镜

etin

前港姐亚军周家蔚前日生日，除咗获“七魔女”祝贺，同届2006年港姐冠军陈茵媺都有帮佢庆祝生日，当中仲有另一寿星女，就系“失踪人口”当年冇加入娱圈嘅同届另一佳丽谢颖珊！陈茵媺为两人各准备花束及蛋糕，齐齐喺酒店食好嘢，令周家蔚发文多谢佢嘅款待，表示对方宠坏佢哋喇，又忆起当年选美时互相帮助同支持嘅点滴，如今大家都已成为人母了！

陈茵媺都有上载照片，并留言大家都好忙，不过好在大家可以抽时间见面，重点系冇小朋友，可以姊妹淘一番，最后佢就祝福两人身体健康，永远幸福！网民都大赞3个女人15年如1日，美貌不变零走样，而当中谢颖珊虽然唔使做幕前，但都Keep得好好，非常省镜！另外，早前已返港同老婆周家蔚及仔仔团聚嘅洪天明，就为老婆炮制爱心龙虾包，喺屋企齐齐食大餐，简单又有心思，非常温馨！