恨开《智能爱人》续集 冯盈盈想做机械人

etin

艺人麦美恩及冯盈盈出席剧集《智能爱人》宣传。谈到今次合作，原来二人仅得几场对手戏，而盈盈则自爆原来拍摄昏迷戏份时，自己相当“入戏”，真正熟睡！她打趣：“呢啲系方法演技，不过我瞓觉冇鼻鼾声，冇影响到拍摄㗎。（瞓咗几耐？）唔记得咗！”麦美恩即接口：“大约45分钟啦。”盈急搞笑说：“咁短？早知拍耐啲嘛。”

而谈到与李佳芯合跳椅子舞，麦美恩开心表示：“拍嘅时候我都知道会吸睛，点知真系爆咗出嚟，多谢大家有留意同欣赏。其实拍之前我哋练咗个几钟咋，老师都话我哋快pick up，剩低嘅临场执吓啲动作就得。有镜头要出动威吔，将我成个人倒吊，原本以为替身做就得，点知导演话会影到大头，咁我嚟啦。”

谈到早前九点半剧集时段收视低，但《智》剧成功收视反弹，问到两人会否希望开拍续集？盈盈即谓：“梗系好啦，不过呢啲嘢唔系我哋控制。如果开续集我想演机械人。”麦美恩续说：“我就希望饰演一个由人类变做男性机械人嘅，好玩啲嘛。”