“尚气”刘思慕拍埋梁朝伟自认未够班 留言自荐原来冇用？

etin

​漫威超级英雄新片《尚气与十环帮传奇》（Shang-Chi and the Legend of the Ten Rings）早前举行网上记者会，“尚气”刘思慕被问到与梁朝伟、杨紫琼、与宾京士利（Ben Kingsley）等重量级演员合作的感觉时，表示：“我每日都觉得自己唔够班，同佢哋合作真系好正，我只能尽力唔好搞破坏。”

刘思慕曾于社交网站毛遂自荐饰演“尚气”，原来漫威总裁Kevin Feige根本没有留意到！Kevin表示：“系几多年前？我冇睇到。唔好意思，思慕，你唔系因为个留言被注意到，系你嘅演技、专业、多次试镜令你得到个角色。”导演Destin Daniel Cretton透露刘思慕试镜时，曾做“黑寡妇”式后空翻落地，再抬头望镜头作为完结。刘思慕表示：“我觉得做咗冇坏，我系为超级英雄片试镜，如果我可以骚畀佢哋睇我可以做到超级英雄甫士，咁可能有帮助。”

身为神秘嘉宾的宾京士利表现风趣，被问到当年演赢到奥斯卡影帝的《甘地传》（Gandhi），与今次演同样关于“少数族裔”的《尚气》体验有否相似时，搞笑扮忘记拿过奖，继而回答：“当我抵达片场，我啲同事系来自另一文化其实唔重要。我哋大家都系演员，基础系同理心同转变，呢个系我哋嘅货币，其他都唔重要。如果我哋可以表现到个能量，我觉得最终可以治愈人心，观众会忘记差异，了解到讲故事方式同大家个心灵都系好接近。”其后他又笑言不介意被冷落：“我唔介意，我瞓紧觉，对唔住。”

担任女主角的谐星Awkwafina，今次参与不少动作与飞车场面，她表示：“我去咗个赛车场去学飘移，好过瘾系咪？但平时喺条街揸车时应该唔系好实际。同埋我亦都学咗射箭。”她又透露自己试镜时做过翻筋斗：“不过我翻得好慢。”