方媛晒腿打Golf显贵气 网民惊郭富城变“肥城”！

etin

现年55岁嘅天王郭富城，依然歌精舞劲，腰力同脚骨力冇番咁上下，又点可以继续做到经典嘅“Generation X”金鸡独立嘅招牌甫士？身为佢另一半嘅天王嫂方媛，腰力一样唔讲得少！方媛网晒一段打高尔夫球嘅短片，片中嘅佢着住条短裙仔晒白滑靓腿，多次扭晒腰做挥杆动作，拍出嚟效果，不单够专业，而且仲好有贵气，唔少网民话佢生咗两个女，专职做家庭主妇，但竟然冇变为黄面婆之馀，仲话唔明点解佢仲可以keep到有少女feel！有网民仲讲笑，指城城对住个咁索嘅老婆，食饭都特别好胃口，应该好易变“肥城”！网民留言：“看她应该没有整过，确实漂亮！”、“娶这么好看的老婆，饭都要多吃两碗！”、“天王的眼光不容置疑！”、“贵气的长相”、“城城对着她一定心广体胖，幸好没变胖子！”