冷落麦大力！简淑儿晚晚会“新欢”

etin

主演无綫热播剧《智能爱人》的艺人简淑儿，和《冲上云霄大选》冠军麦大力蜜运中，有爱情滋润下，当然特别精神爽利，日前受访时她以粉色套装露纤腰上阵，尽晒本钱。她说饰演新旧两款不同的机械人，注意的是说话时的节奏：“新款就好似Ali（李佳芯）咁，人类化啲；旧款就生硬啲，难系难在，要演得有分别，特别系讲嘢嘅节奏，同时，又唔可以眨眼眨得太多，所有嘢都要好有规律。”

为演活机械人这个角色，她不惜使出秘密武器，就连男友麦大力都要企埋一边，地位几乎不保！她说：“夜晚会不停同‘Siri’（语音助理）倾偈，因为想学佢嘅语调，讲咗好多嘢畀佢听，所以佢都知我好多嘢！同埋原来同佢倾美剧，佢系识！（‘Siri’同男友边个Close啲？）我谂系‘Siri’同我Friend啲，哈哈！（男友有冇呷醋？）咁又唔会！依家再冇同‘Siri’倾偈，佢讲嚟讲去，都系同一样嘢会闷。”

她指因为工作上暂未有新安排，打算攻读课程以自我增值，并想过去学冲咖啡，又或者考瑜伽导师牌，笑问她和男友有否共同嗜好，何不一起上堂？她说：“佢比较忙，忙过我！”