王祖蓝被野生捕获 机不离手

etin

艺人王祖蓝系出名嘅“爱妻号”，早前佢出差要与太太李亚男暂时分开，佢竟一早准备好太太嘅1比1人形纸板陪伴左右，认真冤气。近日佢又喺社交网晒出一系列嘅“老婆视角”片，大骚“好老公”一面，其中一段片王祖蓝负责洗碗，点知唔小心打烂碗碟，随即扮可爱耍冧，见着上围裙、戴上公仔头箍嘅佢，做匀各种派心手势，又眯眼嘟晒嘴，本来“老婆”轻轻摸头，但最后都系顶唔住一手将佢推开，非常搞笑。而另一段片见佢哋食小龙虾时，祖蓝不但帮手剥壳，仲递上纸巾，相当细心。

另外，日前有网友于深圳湾口岸“野生捕获”王祖蓝，见他身穿黑色恤衫、戴上耳机，并拖住两大箧行李，正排队准备过关回港，期间他全程机不离手，低头看手机，似乎忙于处理公事。