舒淇用4招Keep Fit 食甜品都唔肥秘诀！

etin

影后舒淇虽然近年比较少拍戏，但系佢之前亮相真人骚时，靓样Keep到之馀，身材依然Fit到爆！到底已45岁嘅佢有咩收身秘诀呢？原来平时好锺意食嘢嘅佢，自创咗4招“舒式懒人减肥法”，令到佢可以食极都唔肥！

第1招：燕麦片加低脂牛奶

佢早餐会食燕麦片搭配低脂牛奶，有时早晚仲会饮1 杯麦草汁！由于燕麦含有丰富嘅高纤维，可以促进肠胃蠕动，从而帮助排便，有助维持身材，同时有饱腹感，及补充营养。佢亦避免食太多唔健康嘅加工食品，同埋会饮足每日所需嘅水分，佢话自己每日会饮最少2500cc水，因饮水系最佳排毒收身方法，能保持皮肤嘅水嫩弹性，并且多食饱腹性高水果，好似香蕉、西瓜、火龙果等，令到Keep住有饱肚感，自然就食少啲嘢啦！

第2招：食饱后唔坐

相信好多人食完饭都习惯坐梳化抖吓睇电视，但其实呢个系唔好嘅习惯，因为食完嘢仲坐喺度，不利于消化同吸收，所以佢喺饭后至少会企20分钟，佢企嗰阵靠打机消磨时间，同时佢企嗰阵可以收紧小腿，塑形功效，又可以避免腰腹部累积赘肉。

第3招：瞓觉前5粒钟唔食嘢

瞓觉前进食，往往都系致肥嘅原因，因晚上食过多嘅食物亦不利于消化，最后变成身上赘肉，所以佢建议最好瞓觉前5粒钟唔食嘢，如果做不到嘅话，可以吃小量的水煮蔬菜，或者系甜分唔高嘅水果。

第4招：把握食甜品时间

平时好锺意食甜品嘅佢，如果想食好容易肥嘅零食，好似雪糕、芝士蛋糕等，佢都会好好把运动后嘅“黄金1小时”内食完，因为运动后可以摄取高卡路里同蛋白贸质食物，趁肌肉细胞胰岛素敏感性最好时补充，糖分就不会累积到其他地方，所以就算食甜品都唔怕会肥，不过就要避免食太过油腻嘅煎炸食物！