英皇选秀真人骚 毛舜筠任评判畀贴士：当玩啦！

etin

英皇娱乐的选秀真人骚《冤枉新秀训练营》今个星期进入stage 3的“戏剧对赛”，今次找来金像奖影后毛舜筠（毛毛）、两个导演彭秀慧（KP）及陈咏燊（Sunny）做评判，对决开始前，毛毛先给学员一个小贴士：“当玩啦，最紧要唔好紧张。”

第一个表演剧目《不日成婚》，由学员Helen及Andy演绎。表演过后，毛毛一语道破Helen的问题：“我见到你唔停咁眨眼，唔知有冇人话过畀你听，呢个习惯系一定唔可以有。Andy我觉得佢几自然、几放。”KP坦言二人表现不到情侣的感觉，Sunny则说：“如果你哋将要演情侣，试吓临出场之前，喺后台拥抱十秒，你有咗嗰种感觉之后，再做应该系两个层次，你信咗嗰件事先。”

第二组的剧目是《圣荷西谋杀案》，由Sobi、烧卖及Jonathan演出。三位评判都好满意这组的演出，毛毛说：“相当唔错，三个都做得好放，唯一挑剔，就系你哋大细声控制得唔系太好，特别系细声嘅时候细得滞，同埋急得滞。”

Sunny则认为这套戏比较好演：“因为呢套有情绪，嗰场肢体接触嘅动作场面，两位都好投入，好明显系冇嗰啲尴尴尬尬，值得鼓励，头先嗰场系做得好好。以第一次演戏嚟讲，尚算不愠不火。”

KP则大赞Jonathan造型上的心思：“我觉得系准备工夫嚟嘅，我appreciate嘅，坦白讲Sobi一入场，个重量系喺度，好稳阵，真系不愧系APA（香港演艺学院）毕业。对唔住，因为我知你系戏剧系毕业，所以我对你系必然嘅期望。”

接着第三组的教练及Elka演出《我的笋盘男友》，毛毛指二人由头到尾都入唔到戏，她说：“两个都喺度背晒要背嘅嘢，特别系Elka。如果呢个系一个广播剧，我谂你好满分，但依家系演出，我净系听到你把声好好听，但系冇感情，所以我都投入唔到。”Sunny亦十分认同毛毛的点评，他同样入不到戏，KP直指Elka似特约演员过场，完全孭唔到戏上身。