粉丝应援变“招魂仪式” 炎明熹即场爆喊

etin

无綫《声梦传奇》3料冠军炎明熹（Gigi）人气爆灯，完咗节目足足一个月，佢人气都仲系冇得输，仲带挈一班《声梦》学员开咗一连4场骚，几咁威水。无綫就为Gigi纪录低佢完骚后嘅实况，睇住佢啲粉丝点样为偶像庆功，一班粉丝拎晒花又剩咁，点知…竟然变咗“招魂仪式”现场睇！

完骚后虽然天都黑齐，但Gigi甫现身，Fans就一早Ready送惊喜，全体统一着上白底黑Logo嘅后援Tee，一边列阵清唱歌曲《喜欢你》，一边排队逐个上前献白玫瑰畀女神，令Gigi即场感动落泪，嘢都讲唔到咁滞，真系睇得出佢几咁激动。片段随即被上载到网络，不过今次佢哋嘅应援方式就惨遭网友取笑，指众人白衫上阵，木口木面地上前献花，画面真系唔多“吉祥”，甚至乎有诡异Feel，加上农历七月十四将至，大家齐人送白花，“招魂”感觉甚是浓厚。