【视后的寂寞】胡定欣饮闷酒 唐诗咏笑住面对困境

etin

唔少艺人在中国情人节放闪晒恩爱，不过有人欢喜有人愁，贵为视后嘅胡定欣就好Lonely竟然要饮闷酒，枱上有成5支酒加6只酒杯，见佢托晒头咁个样“迷迷哋”，睇嚟饮唔少喎！不过酒醉都有三分醒，仲识留言：“唔关我事…..个bartender自己放埋嚟#oldfashioned#多到我都唔知自己饮咗咩#七夕情人节快乐”而昨日（15日）佢再晒出早前同喺电视剧《城寨英雄》中，有感情戏嘅袁伟豪（Ben）出海照，当中阿Ben着住条萤光粉红泳裤，鬼咁“姣”，搞到定欣都怕丑掩面傻笑：“见到BenBen着住条萤光粉红泳裤，仲唔即刻刁兰上身咁款🤩🥴😏”

另一边厢，同系视后嘅唐诗咏，早前传出遭冷待有意离巢，就好正面面对困境，佢晒出充满笑容嘅独照，留言：“幸福非常简单，就是知道自己是谁。能够意识到周围的环境，以及珍惜生活中的所有小事❤️”