简淑儿马国凶宅拍鬼片 空櫈自郁邪到爆

etin

艺人工作时间日夜颠倒，并要去不同地方开工，阴差阳错下，有时会跟“朋友仔”巧遇！艺人简淑儿（Jessica）自爆几年前同陈家乐去马来西亚拍鬼片，剧组专登拣咗间荒废咗十几年嘅老屋拍摄，一行入间屋，就即刻觉得周身唔舒服，但一直安慰自己可能因为天黑开工、要搞到天光先收工，先至有呢个感觉。

喺大屋拍晒所有戏份之后，Jessica话呢个时候，导演先至敢将个“真相”讲出嚟，Jessica话︰“导演话原来嗰间屋，其中一间我哋要拍嘢嘅房，之前系有人喺度自杀！我哋谂番就好惊！”慢慢佢哋一人一句，仲拼凑到啲“证据”出嚟，包括拍紧嗰阵，现场有张摇摇櫈自己喺度郁，Jessica话︰“当时我哋仲讲笑，话唔好问点解，工作人员仲话可能系冷气机吹郁，事后同工作人员倾番，佢哋都觉得有啲嘢，但费事我哋惊，所以一直冇同我哋讲，依家谂番都毛管戙！”