解开不老之谜︱蔡卓妍用5招Keep住童颜

etin

Twins成员蔡卓妍（阿Sa）早前上真人骚，好感触咁话好想回到27岁，因为佢觉得自己已经老啦，开始有皱纹，体力又大不如前！但系有唔少网民就力撑佢，虽然已经38岁，但系个样望落同佢20年前出道嗰阵都系差唔多，十足食咗防腐剂一样，逆龄生长被网民封为“正菜妍”！

Keep住童颜嘅佢，不时都喺社文网分享保养心得，同大家解开不老之谜，佢仲教网民5招冻龄秘诀！第1招教大家化童颜妆，佢话平时为咗唔使带咁多化妆品出街补妆，佢宁愿用多啲时间化好个底妆，佢锺意用气垫粉底上妆，最好用瑕力高同时更具备防晒功能嘅气垫粉底，令个妆感轻盈舒适！

第2拓就系重点击退黑眼圈，佢觉得黑眼圈系女仔上妆嗰阵嘅天敌，佢话当自己唔够瞓嗰阵，会预备定2支化妆扫，先用眼影扫轻扫喺需要遮盖嘅黑眼圈位置，同埋扩大想要遮嘅范围，咁样就可以令妆容显得更自然；其后再以眼线扫沾上遮瑕膏来遮盖眼底嘅泪沟同细纹，最后再用指尖心眼底按压一次，可令妆容变得持久贴服，以神采飞扬嘅容貌示人！

逆龄保养心得

第3招就系保持女清洁，佢话自己嘅皮肤睇起嚟细嫩，并非靠天价保养品，而系靠良好嘅护肤习惯。佢话女仔要每日都要令肌肤保持清洁，特别重视卸妆嘅护理，喺卸妆后再用含天然成分嘅洁面乳洗脸，仲要定期去美容院进行清黑头、去角质等深层清洁。

第4招就系定期敷保湿面膜，佢话虽然工作忙碌，但仍能保持皮肤白滑，除咗因为天生丽质外，佢都有一套护肤心得，佢深信保养愈早开始做愈好，保湿面膜一定要敷，当你觉得皮肤乾燥嗰阵先用护肤品已经太迟，佢建议保湿面膜一星期少要敷2至3次！

第5招就系瞓觉大法，佢曾经以“瞓觉专家”身份教大家睡眠秘诀，佢觉得自己除咗食同瞓就冇乜优点，佢话细个嗰阵试过瞓足70几粒钟，真系懒瞓猪嚟㗎！佢教大家可以快速瞓着嘅方法，首先静静哋平瞓喺床上，两手平放两侧，放松自己后便听自己嘅呼吸声，一开始呼吸时要夸张啲，其后慢慢放慢呼吸频率，搵到最舒服嘅呼吸节奏后，令自己进入自然入眠的状态。喺睡眠过程中，血管嘅循环会增多，同时能加快皮肤嘅再生，所以睡眠绝对有助于护肤，逆龄再唔系梦想！