江嘉敏双刀剁龙虾胶 摆脱地狱厨神污名

etin

艺人江嘉敏和简淑儿（Jessica）到美食博览出席“myTV SUPER 星级馔赏《煮战》前哨赛”活动，各自即席担任两位大厨黄亚保及张锦祥的助手，以海鲜为题炮制中西美食，期间见江嘉敏更双刀剁龙虾胶，功架十足，而Jessica就轻松得多。

受访时江嘉敏则自认是“地狱厨神”：“《美女厨房》我系最低分嗰3组之一，不过都成2、3年前，依家都进步咗，但1年前试过炸微波炉，我摆个muffin入去，嗰个人话叮5秒，点知叮咗3秒钟突然着火，啲火喺个炉边渗出嚟，之后我即刻熄咗总掣，后来我换咗个微波炉，都唔敢再将muffin摆入去，依家再冇呢啲情况出现。”曾险些火烧厨房的Jessica笑言：“嗰次我煲汤，但点知开工太攰瞓着咗，唔记得熄火，第二日醒咗发觉个炉头燶晒，但好彩佢自动熄咗炉，依家厨艺都好咗。”问到男友麦大力可有饮过她的靓汤？她即怕丑笑言：“OK嘅。（佢试过你啲手势？）有食过，但我煮得清淡啲，佢煮嘢食就好叻，所以我负责食。（食肥咗？）大家都减紧。”

江嘉敏就透露要继续减肥，但开心有成果：“大约大半年前我拍呢个煮食节目，着件大褛，我都真系瘦咗4、5公斤，条腰瘦咗3、4吋。”但她表示将开拍新剧，故要继续减肥，笑言：“因为我要吊威吔，好彩啲师傅话唔辛苦，但系要继续减，依家仲未度身试衫，监制话我要再瘦啲，我都要再减多5、6公斤，但9月就要开工，应该都赶到嘅。”