传跟罗天宇拍拖4个月 何依婷呼冤：唔系好熟

etin

艺人罗天宇前度个个靓女，有苟芸慧、汤洛雯，而传出绯闻就有陈滢同戴祖仪，个个都系女神级，唔怪得之佢被称为“女神收割机”，系男人嘅偶像！最近就有消息指33岁嘅罗天宇沟掂样靓身材正嘅何依婷，有传两人已经秘恋4个月，更被指在煞科宴上偷偷拖手，又一齐去夹公仔，但两人恋情不被何妈妈祝福，有指何妈妈有感罗天宇形象花心，而女儿前途一片光明，不欲女儿因拍拖阻碍事业发展。

对此，何依婷接受访问时，直呼冤枉否认恋情：“唔系好熟，拍剧系朋友，大家都系工作上好努力嘅人，唔想同工作拍档有不必要无谓嘅关系，夹公仔系剧集情节，而唔系我哋去夹公仔，完咗工作后冇私底下见过面，好无聊呀！希望大家唔好乱谂啦！（煞科宴偷偷拖手？）拍剧嗰阵有啰，但完咗就完全冇联络喇！”

而罗天宇接受访问时说：“其实我单身咗好耐，可唔可以唔好咁样写我，唉，个个都觉得我好多感情发生咁，其实唔系，我不嬲都自己一个。（快啲搵到真命天女？）暂时未遇到，开剧都好忙，出现时候再算，依家未有。”