亚姐泳装︱34C吴颖衡最胸猛 完胜“平板”孙伊

etin

亚洲小姐候选佳丽昨日（10日）以比坚尼上阵在游艇拍摄，之后再登上码头会见传媒，吸引数十途人驻足，不过，18位佳丽中有3人身体抱恙未能到场。

佳丽当中以34C上围的吴颖衡最有睇头波涛汹涌，与报称有32B但波平如镜的孙伊形成强烈对比。吴颖衡被指好身材，她表示多谢，又赞其他佳丽身材也很犀利，问到会否因此而信心大增？她说：“我有信心，但唔单止系身材，我其他方面都好努力，例如才艺表演，我会唱歌跳舞。（咁多途人眼望望会唔会尴尬？）唔会，觉得几好，好开心。”至于孙伊瘦到见骨，她解释自己做模特儿，故要保持身形，如果有肚腩就不好看，每日都有跑步，问到会否增肥时？她坦言：“我平时都想食多啲，不过有时因为太忙，一日只系食两餐或者更少，我都知系唔健康。（会唔会觉得身材被比下去？）我都好羡慕其他佳丽嘅曲线，但我瘦都有优势，上镜好睇啲，我对自己身形整体都满意，觉得腰同腿取胜，亚洲小姐系展现不同嘅美。”问到上围似乎跟报称的B Cup不符，她笑言：“差唔多，唔好咁严格。（唔怕畀人话你报大数？）B唔系已经最细咩？”

另外，34C上围的林海茵身材不俗，不过泳衣有点离罩，她表示：“因为件泳衣细得滞，似细咗一个码，所以我后面绑得好紧。（会唔会叫公关帮你换大一个码？）冇得换，只系准备咗一件。我都有少少惊甩，所以好小心咁行。（咁多途人望住会唔会尴尬？）少少，但选得都预咗。”见她左脚贴有胶布，她称之前被蚊叮后自己抓伤：“都几大挞，都惊留疤，我已经搽咗好多除疤膏。”讲到她身材微胖且有小肚腩，她谓会积极减肥：“我会跟营养餐单食，早餐食麦皮、香蕉同鸡蛋，戒淀粉质，夜晚唔食嘢，我会做Gym操腹肌，至少要令个肚腩平啲。”

而梁欣娟之前被网友留言指曾在夜总会工作及做小三破坏别人家庭，她作出否认：“冇咁嘅事，个网友仲将我同一个男性朋友嘅合照放上网，呢个朋友系单身，佢唔止诬蔑我，仲影响我个朋友声誉。（你得罪人？）我唔清楚，佢除咗话我，仲话我同另一个佳丽姚琰欣都系夜总会做过，根本就冇呢啲事。（怕唔怕影响评判对你印象？）唔惊，清者自清，冇做过问心无愧。”讲到身材，她自言已是最佳状态，比面试时瘦了：“我好努力做运动同控制饮食，轻咗2磅，腰就减咗一吋，朋友都话我瘦咗。”