冯德伦47岁生日！舒淇晒老公松郁朦相放闪

etin

艺人冯德伦昨日（9日）47岁生日，舒淇就上载老公捧住蛋糕嘅照片到社交网，不过张相就真系抹煞晒冯德伦嘅靓仔样，松郁朦兼Out晒focus，而冯德伦嘟起个嘴，眼细到差啲睇唔到，同以前美男子嘅外表，简直判若两人！唔通舒淇唔想老公个靓仔样畀人睇蚀？

舒淇解释话：“本来想放你的无敌帅照 ～但是本著我不凡尔赛的个性就放你一马吧 ～ 嘿 老狮 老友 老公 生日快乐，愿你健康平安喜乐”当中“不凡尔赛”系网络潮语，意思就系用“最低调的话去炫最大的耀”，而舒淇叫老公做“老狮”，相信冯德伦星座属狮子座嘅原因，同时舒淇都叫老公做老友，睇嚟两人相处方式就系好似朋友一样，既系老公都系知己。