苏皓儿自认宅女难追 狠Block旧爱电话一刀切

etin

别以为“女神”必定多人追，苏皓儿便是例外，恋爱史只有4次，自言宅到爆难搵对象，亦抗拒前度死缠烂打，认为缘尽便一刀切，不应欲断难断。笑言“无情”一身轻的她，趁事业起飞落重注，感情则抱佛系态度，不会强求！女团出身的苏皓儿（Chloe）曾经歌、影、视3线发展，去年凭无綫剧《那些我爱过的人》中的纯情学生妹角色人气急升，继而接拍《金宵大厦2》及《OPM》，电影方面亦一部接一部。为以最佳状态入剧组，她无论多忙都会偷时间运动，跑步、打篮球、行山、跳舞样样啱，但求把时间填满！

锺情运动型男生

入行6年换来“女神”称号，Chloe笑言唔敢当：“我系艺人、演员，心目中嘅女神要系全智贤级数，有演技、形象健康同百变，我只不过系普通女仔。”已1年多没拍拖的她，对运动型男生情有独锺：“同音乐型拍过拖，近排想搵运动型，见人哋一对对打波好甜蜜，想试吓！（绯闻男友罗天宇？）佢太文静，我已经唔系活跃，如果一齐唔出声就惨，我以前嘅男友都外向。（想男友大过你？）最好大3、5、7年，如果系优秀嘅人，我可以追佢步伐。我真系太宅，唔出街，所以男仔应该追唔到我，亦冇人追，咁我就可以专注事业。”谈到以往的恋爱经历，她自爆5只手指数得完：“我拍拖唔会快分手，但唔锺意前度同我联络，觉得断咗冇必要Chur，有时共同朋友嘅活动佢想参与，但我唔想应酬一个唔想接触嘅人，所以Block咗佢电话。”