谢东闵有情敌！刘颂鹏迷恋朱智贤 女神靓相做背景

etin

无綫小花朱智贤走出偷食阴霾，并获无綫放生，现有份为奥运直播节目担任主持，随机应变、超水准表现获网民大赞，成功洗底。除咗男友谢东闵系裙下之臣外，原来同样有份主持奥运节目嘅“后生仔”刘颂鹏亦系朱智贤嘅忠实粉丝，唔只开工要望住女神张相做嘢，连平板电脑嘅背景都系用对方嘅靓相，迷恋女神程度达5粒星！佢对住镜头做出心心手势话：“今日返工真系好幸福。”朱智贤忍唔住留言：“依家啲后生仔可唔可以唔好咁毒。”唔知谢东闵会唔会呷醋呢？

谢东闵对于“情敌”出现似乎冇有怕，接受访问时更状甚轻松话：“笑料嚟嘅！（朱朱冇同你讲咩？）又冇喎！呢排大家都忙于开工嘛！”而鹏鹏受访时就否认迷恋朱朱：“因为呢排一齐开咗好多日奥运，所以Friend咗啫，大家每日都开10几个钟，系会有啲攰，所以大家玩吓放松吓，而且每个同事都会轮流做吓Wallpaper。（向谢东闵挑机？唔惊佢呷醋？）唔会，其实同朱朱工作之外，都冇咩机会见到。（朱朱系咪系女神？）又未去到，但佢个人好Nice，好照顾我哋呢啲后生仔主持。”