方媛34岁生日渗少女味 郭富城冧猪：老婆永远爱妳

etin

影帝郭富城日理万机，早前先啱啱喺云南西双版纳返港，仲做埋暖男出巡照顾采访记者，但原来佢今次返嚟系有“任务”，皆因靓女老婆方媛34岁生日，赶得切同太太切Cake嘅佢，昨日（5日）凌晨先有时间甫相，仲放晒闪咁贴出二人合照，留言：“老婆生日快乐。🎂永远爱妳。❤️ ”相当冧猪！合照中见城城鬼咁Cute，单眼Chok Wink之馀，又着晒红色衫够喜庆，至于方媛就依然靓女，甜笑中仲流露出一丝嘅少女味，真系点睇都唔似已经3字头呀。方媛收到老公爱的呼唤后当然甜在心，亦相当识做有所反应，在社交**发文表示感激老公的爱：“好的，你的爱我收到咯，嘻嘻。”佢哋疯狂大放闪光弹，网民都话“闪瞎了”。