何广沛生日朱晨丽未有表示 要靠另一位朱朱慰借

etin

艺人何广沛和朱智贤（朱朱）出席“《食脑丧B》丧·同你玩”活动，获粉丝到场支持，众人唱歌玩游戏。昨日（3日）33岁生日的广沛更获送上生日蛋糕，粉丝又唱生日歌给他。受访时问到怎样庆祝？他表示：“我好开心㗎啦，寻日就系拍剧湿身度过12点，今日有fans，当正自己生日会㗎啦。（私下点庆祝？）冇呀，仲开紧工。”问到绯闻女友朱晨丽可有约他？他即避谈，在旁朱智贤笑言：“有我呢个朱朱陪住你先啦。”问到夜晚可是有另一朱朱陪？广沛笑言：“会同屋企人过，今日有呢个朱朱陪已经好开心满足，焗住要满足啦。（咁朱晨丽有咩表示？）咁你要问佢啦。”

讲到生日愿望，何广沛说：“希望《食》快啲喺翡翠台度播。（但呢排剧集收视唔好？）希望大家睇完奥运之后就会睇番剧集，到时谷底反弹。”讲到无綫奥运主持陈约临及吴业坤的表现被批，有份主持的朱朱坦言：“圈外朋友都提醒我讲嘢小心啲，我都会嘅，所以我都会讲少啲错少啲，费事讲赛事骚扰到观众，由专家评审就好。”

而见到朱朱左手掌、手㬹及膝盖受伤，上落台时亦有点吃力，她透露之前跑步受伤：“我论尽，跑步突然整亲，成个趴喺地下，擦伤晒同肿，又有少少发炎，要日日洗伤口，其实明明行山难啲我都冇仆，反而跑步唔知点解仆得咁应。”她又笑言当时马路有很多车因红绿灯停下：“我唔敢望佢哋，觉得好样衰，我之后坐喺地下一阵，好彩嗰阵侧边冇其他人。（惊唔惊会畀人影低？）我都想睇吓究竟点解我会仆低。”问到可会叫男友谢东闵帮手照顾？她即谓：“呢啲自己嚟啦，冲凉包保鲜纸，费事整湿伤口。（男友冇帮你包？）我大个女啦，可以自己嚟。（男友帮你冲凉？）我右手仲郁得，可以单手洗头。”