锺嘉欣潮玩弹力鞋 体能唔输细7年黄碧莲

etin

艺人锺嘉欣虽然已为两个小朋友之母，但全靠健康饮食及积极运动，维持美好身段及体能，近日佢挑战玩近年新兴嘅Kangoo Jumps（弹力鞋），仲搵埋同样系《温哥华华裔小姐竞选》出身嘅师妹黄碧莲一齐挑战。虽然佢着上离地成几吋高嘅训练鞋时表现笨拙，需靠人扶住先企得稳，仲自嘲：“唉，老人家就系咁。”

但之后正式落场时，佢狂跳足几Part舞依然气都唔喘，完全冇甩Beat，现年37岁嘅佢体能一啲都唔输畀身旁细7年嘅黄碧莲，而且第一次玩就已经上手，连教练都忍唔住大赞。另外，黄碧莲又亲自帮锺嘉欣鬓辫并扎上孖辫，令自小就想鬓辫嘅嘉欣直呼圆梦。