学霸女儿有人追？林文龙：有男同学想攞佢电话！

etin

艺人林文龙出席头发护理活动，透露最近工作繁忙：“戚其义监制的网剧《逐流时代》剪紧片，及制作预告片，公司又有新节目进行中。（想今年出街？ ）希望啦，不过后期相信最快都要搞到9月。”



未遇到吸引剧本

问到会否再拍剧？他坦言未遇上十分吸引的剧本：“但（手头上剧本）都可以研究吓同改进嘅，我哋抱开放态度，冇特定想拍咩片种。（好似《大叔的爱》咁都得？）我哋喺网剧，冇咁多掣肘，真系乜题材都可以尝试。（其实你有冇戏瘾？ ）有㗎，不过如果我拍两个月戏，公司工作边个做？（太太郭可盈帮手？）佢挂住睇奥运，我出门口佢都冇反应！”

提到11岁女儿天若成为学霸，他说：“佢只系成绩几好，自律性足啫，一星期最多补一日习，做功课好快。（佢冇乜课外活动？）佢有学小提琴，得闲我会带佢去游吓水。其实佢动静皆宜，不过有时比较文静，锺意同屋企佣人姐姐玩。（开始青春期喎。）依家已经有男同学话帮佢孭书包，希望攞到佢屋企电话，好彩我教咗佢电话唔可以乱畀人，同埋佢性格比较保守，唔使担心。”