孙慧雪遭网上性骚扰 最惨系老公冇反应

etin

艺人孙慧雪下星期将投入电影拍摄工作，于《爱还记得》内要再次穿上校服，难怪她笑言近日忙于做运动Keep Fit。回想起自己的求学时期，阿雪腼腆表示：“当时我放学迟5分钟返屋企，嫲嫲就会周围打电话搵我，试过打匀全班，搞到我好瘀！”

她又指近日受网上性骚扰：“我喺社交网出post，即使衣着唔性感，啲人留言都好露骨，我都讲唔出口。我同老公投诉，佢好似冇乜反应咁，所以我嬲到寻日留言话自己平日啲相呃人嘅，大家唔好再对我有幻想喇。（报警备案？）咁又唔使咁夸张，我依家畀少少提示，再过份就Block佢哋，希望大家日后自律。”