夫妻谈生死！姜皓文喊住话想留低：幸福系走咗嗰个

etin

艺人姜皓文（黑仔）与太太殷宁相爱相知22年，面对枕边人陪伴走过高山低谷仍然不离不弃，看在眼里的黑仔早已从暴躁族蜕变成爱妻号，经常把太太挂在嘴边，4年前结婚18周年纪念日，更豪花7位数字在马来西亚槟城买豪宅冧爱妻，并预告退休移居当地。

由于近年多演沉重角色，黑仔多次游走情绪崩溃边缘，就连妹妹都有微言，担心他演太多类似角色会令观众生厌，幸运地一次又一次，观众对其演技相当受落，故早前决定在无綫剧《刑侦日记》挑战刑侦之父“聂山”一角，表面上擅长逆向思考，但其实也是躁鬱症患者。

现实做戏傻傻分不清

因拍摄期间正值疫情爆发，他为太太安全着想而忍痛“分居”数月，在外租住服务式住宅，没料角色太过虐心，令他非常痛苦：“我觉得好似有病咁，好多时将戏中忆妻情绪带返去当时嘅住所，但返到去又见唔到太太。有时太太嚟送饭，戴住口罩未望清楚个样又走，想倾两句都难，有时顶唔顺会叫太太拎糖水嚟，要甜番吓！（太太开解你？）佢有叫我睇住，之前仲帮我约见心理医生，因为我本身成日都歇斯底里，少少事就唔开心，少少事就发到好大，演呢个剧角色，就更加好似自己有事咁，不过我未去见医生。”

夫妻故事写入剧本

夫妻相处多年经历不少，暴风雨过后总有放晴的一天，黑仔不讳言也有跟太太谈及生死，惟触及此话题，铁汉亦不禁数度哽咽：“我成日同太太讲，将来到咗某个年纪边个会留低先？最后我话我留低，因为幸福系走咗嗰个，我喺度帮佢打点一切。冇谂过呢啲真系喺剧本度写出嚟，牵动到我，希望都牵动到观众。好记得套剧做资料搜集时，我有讲同太太嘅故事、平时生活嘅细微事，佢哋亦有放晒入去本日记簿度做道具，好似太太曾经同我讲要饮多啲水，谂番都几揪心，将现实生活带入角色，仲摆埋我同太太嘅相，成个故事背景喺槟城，大家都知我两公婆锺意嗰度，成件事中晒！”

性格火爆的他曾受情绪困扰，问有否担心问题再出现？黑仔说：“都惊，有时屋企少少嘢就会好忟同唔锺意，我都会叫自己冷静先，太太仲话我再系咁就唔好做戏，成日净系识放唔识收，佢讲到咁，我梗系要听晒佢话啦！”

黑仔经常周围飞开工，一直自认身体壮健，惟早前突暴瘦，身高1米80却只有146磅，健康令人担心。由于一段时间仍未找出原因，故把心一横到医院接受详细检查，他说：“我觉得似系有啲问题，医生建议我check肠胃，都真系几惊，当时个人好瘦，check完好紧张等报告，结果又冇事，连一粒息肉都冇，不知几乾净，医生话可能系压力同好多原因造成咁样，叫我唔使太担心。我惟有嗰排丧食嘢，咩都食，好难先食番去正常磅数。”

​